| |||||||
 إهداءات ماسات | |
 |
| | LinkBack | أدوات الموضوع | انواع عرض الموضوع |
09/08/2008, 12:42 AM
| #21 (permalink) |
| مـراقـــــب عــــــام   تاريخ التسجيل: Feb 2007 الدولة: الخــفــجي لبى قلبها
المشاركات: 26,461
  | يــومي كان متعب قليلا بس راح اعطيكم بالتفصيل الممل ’’’ البارح نمت بدري على شان اطبق اللي يقولون نام بكير تصحى بكير وشوف الصحه كيف تصير ’’’ بس بصراحه المثل من جنبها ’’’ لأني نمت الساعه 11.30 وماقمت الا الساعه 11 يعني نمت فوق العشر ساعات ’’’ قمت وراسي يفتر فر غير طبيعي ’’’ وصدااع نصفي الله يكفيكم شره ’’’ ورحت صليت الجمعه ورجعت للبيت وصرت ادور بنادول ومالقيت رحت للوالده وقالت ماعندي شــيء ’’’ وقالت الوالده رح نام شوي يمكن من قل النوم قلت هههه ماتدرين والله ’’’ قالت ليه .. قلت البارح كثرت من النوم ’’’ قالت مالك الا الخادمه السريلانكيه قلت يالله راح اشوف عندها والا لا ’’’ رحت للخادمه الا وجهها تقول خشبه وخشمها تقول بتال هههههه ’’’ وابشركم حصلت عندها ’’’ واخذت حبه بنادول ’’’ وبعدها بربع ساعه رجع نشاطي المعتاد ’’’ وحطوا الغدا (كبسه دجاج )<<<< اكلتي المفضلــه ’’’ وبعدها ريحت شــوي وشربت عصير تانج ’’’ وقلت خلني افتح اللابتوب وادخل جميع منتدى مسجل فيه وهات يالردود والمقس المعتاد ’’’ وبعدها دق علي اخوي الغالي نواف الفهاد وقال تعاااال اشرب فنجال وعلوم رجاااال ’’’ وجيت وسولفنا واذن العصر ورحنا صلينا ورجعنا وقال نواف امرك بعد شوي ’’’ ربع ساعه ويمرني ونروح لمحل الآيسكريم اللي عند بيتنا مدري وش اسمه وناخذ توفي وتمشينا شوي ’’’ ورحنا للملعب وبعدها رحت للبيت وصلينا المغرب وأخذت سيارتي وغيرت كفراتها تخبرون توني مستلم الراتب ’’’ ودق علي واحد من خوياي قال عازمك على عشا في مطعم سهارى( حق مشويات) ’’’ صليت العشا ومريته وتعشينا احلى عشا وحشينا شوي بالشباب(قصب) ’’’ وتوني نزلته في البيت ’’’ والحين ابي اروح انام ’’’ والدور على رووح الغلا ونشوف يومياتها ’’’ آسف على الاطاله بس كان هذا يومي مع حذف بعض المواقف ’’’    |
|  |
|
09/08/2008, 12:45 AM
| #22 (permalink) |
| •° وَطَن أَوْجَاع °•   تاريخ التسجيل: Sep 2007 الدولة: "حيث ."أكون."
المشاركات: 21,874
| رحت للخادمه الا وجهها تقول خشبه وخشمها تقول بتال هههههه هههههههههههههههههههههههههههههههههههههههههههههه ههههههههههههههههههههههههههههههههههههههههه ميته ضحك بس لا تعليق هههههههههههههههه فيني بـدو مـاتـوا ضمـى لـ المواصيـل .. ووجيههـم من لاهـب الشوق سمـرا.. [عزيزي الزائر يتوجب عليك التسجيل لمشاهدة الرابط للتسجيل اضغط هنا ] |
| |
|
09/08/2008, 07:35 PM
| #27 (permalink) |
| كـــيـــف آنــسـاآآآآآآآك  تاريخ التسجيل: Jul 2008 الدولة: في عالمي الايطالي ...!!
المشاركات: 24,306
| مشكور اخوي الدووووووووووخي على يومك كله نوم في نوم.. نتظر الاخت الغالية روووووووووووووح الغلااااااااااا.. احترامي لكِ.... فقدتُ شهيتي وشغفيْ لــ أشيآءَ كثيره [عزيزي الزائر يتوجب عليك التسجيل لمشاهدة الرابط للتسجيل اضغط هنا ]. . . . يــ كثر اشياء ... ماعاد لها رجعه هـ هـ .. وصارت ذكريات .. [عزيزي الزائر يتوجب عليك التسجيل لمشاهدة الرابط للتسجيل اضغط هنا ] |
|
| |
|
10/08/2008, 11:27 PM
| #29 (permalink) |
| :: غيِرتيْ نبَض أنوُثتيْ   تاريخ التسجيل: Nov 2007 الدولة: في قلب الجروح
المشاركات: 20,954
| السموحه علي التأخير كان يا مكان في قديم الزمان وإليكم بالتفصيل يوم في حياة روح الغلا أتمني الاستمتاع بقضاء يوم مع روح الساعة 7 مساء أقوم من النوم على صوت أختي الصغيرة ( رغد ) >> تصيح متضاربة مع بنت أختي رغد / روح قومي (وجن ) ضربتني >> وتجلس تصيح حتى أقوم من النوم روح / رغد لما أصحي أخذلك حقك منها أطلعي خليني أنام رغد / ألعب مع مين أعطيني جوالك وجن معها جوال >> أختي أنا / روحي خذي جوال أمي وجاءت بتطلع إلا أناديها رغد منو عندنا تحت رغد/ الكل مجتمع تحت وفي خالي وجدتي بعد عاد أن قمت نقزت من السرير هذا خالي فديتها >> وأغير ملابسي وأرفع شعري واتكشخ واتعطر واتزين علي الاخر بس حسافة نزلت ما لقيت خالي ولا الوالد روح صلاة العشاء ما كو غير الوالدة وجدتي وأختي أم وجن سلمت علي الوالدة وجدتي واختي ورحت لحبيبة قلبي الثلاجة وسويت نسكافة ورجعت لمجلس وسواليف لحتي الساعة 9 بعدها استأذنت من عندهم وطلعت غرفتي وفتحت الماسنجر لقيت بنات المعهد وسواليف حتى الساعه 10 وبعدها نادوني للعشاء وقفلت الماسنجر ونزلت للعشاء وبعد العشاء كنت اسولف مع خالي ومندمجة في السواليف إلا أبوي يقول روح وين الشاهي أنا / أبشر يالغالي من عيوني قبل رموشي الوالد / ما بي عيونك خليها لكي أنا / افاااااااااااااا يبه عيوني فداك اصلا ما تشوف غيرك الوالد / ــــــــــــــــــــــ قمت بسرعه >> بسرعه 220 علي المطبخ وألقي الوالدة مسوية الشاهي فديتها وأخذت الصينية من يدها وأجيبها عند الوالد وأصب الشاهي سمى يبه احلي شاهي مسويتها لك جدتي الفتانة / انتي الي سويتيه والا امك انا / انا ما سويتها بس شاركت فيه قدمتها لكي سمى >> واعطي جدتي الشاهي وأن مندمجة مع خالي وسواليف الا تجى رغد اختي وتقول روح جوالك طفي >> خلصت البطارية وأقوم أحط الجوال في الشاحن إلا تجيني رسالة مضمون الرسالة >>( مرحبا انا اخت هبه هي ولدت وجابت احمد ) وأقوم أنقز يمة تكفين ودي اروح لهبة في المستشفي قلت ما في غير اخوي اكلمها ترن ترن ترن الو ./ اخوي فديتك صديقتي ولدت ابي اروح لها اخوي / مو فاضي مشغول انا خذي موعد >> حشي وزير الداخلية تكفي عاد ما راح اطول دقيقتين بس اخوي / قلت لا تزعجين مع السلامة اه اه اه >> لو نسوق سيارة تلقوني عندها قلت ما كو غير اطلع افتح النت كانت الساعه 11 وتوي فتحت الماسنجر إلا جوالي يرن >> وزير الداخلية يتصل بك اخوي / الو روح روحي غرفتي تلقين ..... في الدولاب انا / طيب واروح غرفتها والقي الي يدور علية وقلت له يالله تكفي ابي اروح لصديقتي اخوي / الوقت متأخر بكرة اوديكي انا / لا عادي احنا في اجازة اخوي / طيب اتصلي وشوفي متي تنتهي الزيارة واتصلت علي هبة وعرفت ان الزيارة مفتوحه وقلت لها تراني جايتكي واتصلت علي اخوي وقلت له قال يالله ربع الساعة وأن عندك وبعدها اتصل علي ونزلت له وفي السيارة قال في أي مستشفي >> عاد ان حست حوسة مدري في أي مستشفي قلت دقيقة أسألها واتصل عليها جوالها مقفل >> اه اه اه رحت اتصلت علي اختها وقالت لي في مستشفي الأطباء المتحدون قلت لإخوي ومشينا في السيارة وكانت هدوء السيارة وبعدها وقفني اخوي عند محل ورد لحقنا علية كان بيقفل واخذت معي بوكية ورد وهدوء كانت السيارة وبعد ما مشينا نص المسافة وكنت مبسوطة لاني بروح لصديقتي الا فجأة تجيني رسالة من صديقتي بليييييييز كولمي >> بصراحه خفت اتصل عليها >> خفت تقول الزيارة انتهت >> ياويلي من اخوي بيذبحني وجلست طول الطريق يارب استر ليش متصل وش تبي الحين جايتها واعصاب طول الطريق صرت افكر وش اقول لإخوي اذا لقينا الزيارة انتهت وقعدت علي اعصابي والوم نفسي >> وشوي اموووووووووت من الخوف وصلنا المستشفي البوابة الرئيسية لقيناها مقفلة >> أنا رحت فيها مو عارفة وش اقول لإخوي إلا اخوي يقول روح يالله انزلي ان ما استوعبت قلت له مو البوابة مقفلة قال ايه مقفلة بس ندخل من بوابة الطواري انا الروح شوي رجعت لي ونزلنا من السيارة انا واخوي قال في أي غرفة صديقتك قلت له مدري >> قال تدرين عن شنو انتي >> ادري انها ولدت ورجعت اتصلت علي هبة وسألتها في أي غرفة أنتي وعرفت منها انها في الدور الثاني غرفة 206 قلت يالله افتحي لي الباب >> مو صاحية هههههههههههههههههههههههههههههههههههههههه طلعت انا واخوي الا اخوي يقول دقيقتين وتنزلين وراي دوووام قلت طيب والا زوجها خارج من الغرفة إلا جاية بدخل الغرفة إلا اخوي يناديني روح البوكية الورد نسيتها أخذت البوكية من اخوي و دخلت عندها الغرفة وسواليف إلا جوالي يدق وكان اخوي قال يالله وطلعت ورجعنا البيت وقال صحيني للدوام الساعه 7 قلت طيب ورجعت فتحت المنتدى والمسن وجلست اشتغل شغل المعهد حتى يأذن الفجر وأصلى وأرجع أكمل شغلي لحتي يرن المنبة الساعه 7 واروح اصحي اخوي لدوامها وبعدها ارجع أشيك علي المنتدى وبعدها أقفل المنتدى الساعة 7 ونص أقوم أخذ شور وأغير ملابسي وأنشف شعري وأكشخ للمعهد وأن علي المرايا يدق الجوال الباص تحت البيت وبسرعة وبسرعة أخذ عبايتي وانزل للباص وكالعادة روح ليش في تأخير أنت خلك جاهز من ساعة 7 >> معصب حدها وصلنا المعهد وعلي طول أروح الكوفي شوب و سوا ليف مع البنات وفطور وبعدها أروح للكلاس وفي الطريق كم تهزيئة علي الزى المخالف أدخل التصاميم والأستاذة معصبة ليش تأخير روح المحاضرة لها نص ساعة بدأت وعاد انتهي من التصاميم أروح للكلاس الإدارة وانتهي من الإدارة الساعة 1 أرجع البيت أدخل البيت ألقي الوالد مع الوالدة قاعدين علي القهوة أسلم عليهم وأعرف منهم جدول >> بروح مكان , في احد راح يجى عندنا وبعدها أطلع غرفتي وأغير ملابسي وأنام وبكذا ينتهي يومي أتمني تكنون استمتعوا معاي وبإنتظار يوميات أخوي الطارف دمتم بود [عزيزي الزائر يتوجب عليك التسجيل لمشاهدة الرابط للتسجيل اضغط هنا ] |
|
| |
.gif "Cxc (91)")
|
| الكلمات الدلالية (Tags) |
| يوم في حياة عضو ... لا يفوووتكم !! الكل يدخل و يشارك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 08:11 PM
