خـــلاص يكــفي ......

تكفون يا أهل الهوى تكفون خلوني = ما عاد أبي الحب لي لا تطرونه

يكفيني الي جرى من قرة عيوني = اللي تركني وروحي فيه مفتونه

أنا أشهد إني أحبه لا تلوموني = وأصبحت من سبته بالحب مرهونه

عزفت له بالهوى أبيات ولحوني = وغنيتها له بصوت الحب ولحونه

ورسمت له صورةٍ في داخل جفوني = وغطيته برمش عيني لا تشوفونه

واليوم قررت أببـعد لا تردوني = خلوني أنسى عذاب الحب وش لونه

تكفى تكرم ورد القلب بالهوني = وأحذر تصحي جروح فيه مدفونه

خلاص يكفي عذابي لا تزيدوني = يكفيني اليوم جرح الحب وطعونه

الله يحفظك وأنا يكون في عوني = وماخاب من كان رب العرش في عونه


---------

تحيـاتي

ضآمي آلشوق