موقع ماسات


العودة   منتديات ماسات > ماسات أدبية > عطر القوافي (منقول) > موسيقي عذبه > دواوين الشعراء
إهداءات ماسات


إضافة رد
 
LinkBack أدوات الموضوع انواع عرض الموضوع
قديم 19/07/2011, 03:09 AM   #21 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..




دع القوافـي جنـون الشعـر همسـة مــدااه


مغروورة التيـه واكتـب يـا سمـا يـا بحـر



الغطرسـة صنعتـى والـدرب تلهـث خـطـاه


ان ماارويتـه ضمـاا كفنـت ؟ فجـره سـهـر



والعـاذل الــي نـوابـي واستـبـد بـذكـاه


عـز الله انـه يخـيـب ولا لـفـاه الخـبـر



الجـدى ثابـت وعيـن الارض ترصـد سمـاه


وابليـس يرثـع علـى كـف النـدم والقـهـر



بنـت بدويـن يسـج وراس مالـه عـصـااه


يستجـدى الغيـم ويعـيـد الـنـدى للنـهـر



يمـد كـفـه وتـزهـر فـالـدروب الحـيـااه


لـو يبتسـم ؟ ااه يابخـت الفضـا والشـجـر



مـن هيبتـه تنتشـي حايـل بنبـض السـراه


وياعانق المـوج مـن شـط الكويـت؟ الخبـر؟



يسعد صباحه يسعد صباحه الياهيجن ويسعد مساه


فـي مجلسـه كـل شمسـن يحتفيهـا قـمـر



يفـدااه روح القصيـد وكـل عـمـري فــداه


وش لـي بهرجـن لعينـه مايسـوق العـذر ؟



ياراعي الذود؟ياراعي الذود بنتك لا كذا لا كـذااه


تستاذنـك كـل حرفـن وانـت كـلـك نـظـر



ماجيـت للشعـر غلطـه واستـظـل بعـطـااه


جيتـه جنـون الريـااح؟ وعاصفـاات المطـر



سطـرت لـه ملحمـة شاعـر وكلـن قــراه


ابعاد صدق ؟ اختصـرت الكـل وابعـاد شعـر



طفلـن يكـن الكـلام الـيـا تـحـدر بـكـااه


يمـوت حرفـه علـى صـدره وتحيـاا بشـر



ياراعـي الـذود مثلـك وان بخـل فـي نبـااه


ياكيـف تمسـى ليالـي نجـد باحلـى فـجـر؟



يابـوي والعمـر جـاه مـن العنـا ماكـفـااه


وحكايـة البـدو واهـل الخيـل كانـت عـمـر



نغفـى بنبـض الخيـال ويستـديـر بـرحـاه


ننذكر؟ وننسـى ؟ وتفنينـا صنـوووف الدهـر..


نورما متواجد حالياً   رد مع اقتباس
قديم 19/07/2011, 03:14 AM   #22 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..


صرت اجهلك عقب ماني أعرفك واحتويك
فيك أختصـرت المسافـه وأنـت طولتهـا
رسمتك أبعـاد ماتخطـي واخطيـت فيـك
ارضيت نفسك علـي برضـاك وازعلتهـا
هالذاكرة سيئـة تنسـى أو ترجـع تبيـك
نصحتها عنك وأن مـا طاعـت أغفلتهـا
وإن صار به يشبهك واشبهت أنا ذي وذيك
ودعتهـا رحلـة حـلـوة ولا عشتـهـا
وقتي مدار وفلك في غيـر أوانـه يجيـك
وإن ما لقيتك معي ب ألقـاك فـي وقتهـا





يا( هدى )لاطال بي مسراي والهقوه حسافـه
عثري بعض البكا في ناظري جهـر وخفيـه

وانشدتيني عـن التحنـان والحـر وجفافـه
اعرفي يابنت كيف ان البحر يعشـق سميـه

لعنبو كثر الجهـود ولعنبـو قـل المسافـه
لا وصلت أقصى طموح ولاخسرت أكبر قضيه

للحزن ميعاد ودموع النهـر ترمـي ضفافـه
والعيون اللي نكفنهـا بجـرح البعـد حيـه

يـوم تغرينـي عيونـه للقصيـد وللطرافـه
شفت عذرك يا الغياب بخافقي حـب وحميـه

شاعر يطوي حدود البحـر والبيـدا بقافـه
كل ما حدر بـه الطـاروق قلـت:الله حيـه

كان بعض الهرج ماياطا علـى درب الكلافـه
السوالف مالها في حسبتـي ذنـب وخطيـه

قلت له( شاعر التوباد )قلبـك وش يخافـه؟
سـم واكتبنـي بحـرف ماقريتـه فأبجديـه

دامني كنت الغلا والصدق والعشق وعفافـه
ماعلي اخلاف فبحـور القصيـد السرمديـه

يا( هدى )مالي بقيعان العـرب ياكـود قافـه
لاتغنى راح قلبـي بيـن ذيـك وبيـن ذيـه..
نورما متواجد حالياً   رد مع اقتباس
قديم 19/07/2011, 03:17 AM   #23 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..




كنت بين الحضور أحمل عفيف الغزل


وأشربه عشق مايروينـي إلا ظمـاه


جيت على طمـوح يعتريـه الخجـل


وقلت برجع لنفسي وأثري أمشي وراه


وابتدى سيدي .. ولحن الخلود أكتمل


ولفني غيم لايمطـر ولا أحـد يـراه


وابتدا يرضي أحبابه ورمشـي غفـل


بين صحوة منام وبيـن حلـم دعـاه


ارفع الصوت ياشاعـر وخـل الأمـل


يذبح المستحيل ويدفنـه فـي ثـراه


لا غدى صوتك الفارس وشال الحمـل


لأوقد الحرف نار .. وتشتعل ألـف آه


وهاك فل الجديل الضافـي المستهـل


وزينه بالقصيد وخـل يبـرق سنـاه


وهاك عـود رفيـع تلمسـه يشتعـل


يحترق في هواك ولا شعـرت بدفـاه


تسقي الضيف هيلك والدخيـل انقتـل


في حماك احتمى ولا بيح اللي خفـاه


كيف ترميني اقداري بسطـوة رجـل


أدري أني فقدته قبـل لا أبـدا معـاه


فيه هيبـة أميـر وفيـه رقـة طفـل


يحتضر ألف معنى قبل يوصـل مـداه


جيت له طفلـة حـذرة ةقلـب سهـل


مانويته ولكـن كـل عمـري نـواه..



نورما متواجد حالياً   رد مع اقتباس
قديم 19/07/2011, 03:19 AM   #24 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..


يامطولك ليل وماطـول البعـد للساريـن
وياوجد القلوب النايحة 00لا تزعزعنـي

ذكرتك او انى مانسيتـك الـى هالحيـن
او ان الرجا في سكّتـك اليـاس يتبعنـي

تمنيت وصلك يوم للوصل شـرع وديـن
وخليتنـي لسيـوف الاوهـام تقطعـنـي

حسيبك زمانك كيف ياغلي مـن الغاليـن
غدا كل طاري مـن طواريـك يجزعنـي

تجاوزت في ظلمي وهلّّت دمـوع العيـن
وشوف الدموع بساعة الغبن وش تعنـي؟

اسنّد على باب الرجـا قلبـي المسكيـن
واناديك ماكنـك مـع النـاس تسمعنـي

نثرت الجروح بغيبة الشمس مـن ليليـن
تقصويتنـى والمـوت بيديـه يجمعنـي

توفّت بك الشيمة وزولـك مـع الحييـن
عسى اللي نقص من قدرك اليوم يقنعنـي

قضى الود وجروح الليالي غدت بي ليـن
فنت كل عـرق مـن خفاهـا يناازعنـي

على كثر زلاتي وكثر القسا 00 والليـن
فوالله ماوجعتـك كثـر مانـت توجعنـي

خطايك عشر 00 ومنهجك فالصحيح اثنين
ومبداك لا طعتـه ولا قلـت لـك طعنـي

حسبتك سمي المجـد وسلالـة الوافيـن
وظنيت بك حـرٍ عـن الهـون يمنعنـي

معك ذمةٍ يرسى بهـا الكـذب والتخميـن
عسى الله مـن عثـرة نوايـاك يطلعنـي

كبار العزاوي حوّلـت فالزمـان الشيـن
ولو زايدووا بيّّاعة المـدح وش يعنـي!
تخيب الهقـاوي والليالـي تجـر سنيـن
ولابـد مـن دورات الايــام تقنعـنـي..
نورما متواجد حالياً   رد مع اقتباس
قديم 19/07/2011, 03:21 AM   #25 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..




حلم مقفي بي عن الناس وارخيت رسنه

مانشدته ليه يطـوي مساحـات البعيـد


وسط صمان المعاليـق ألمـح موطنـه

لو يبيد الحلم تبقـى دروبـه مـا تبيـد



والفياض اللي روت من عيونـي بينـه

ما تشابها فياض روت من سـر مديـد


كان يسكني وانشـد عنـه مـن عينـه

كنت أخاف من النميمه على شفة بليـد


كم جمعني في كفوفـه بلحظـة شيطنـه

وكم نثرحزني على الما وصفحات الجليد


كنت ألقى في عيونه فراشـي واسكنـه

واغزل النجمات عقد غفى له وسط جيد


ألمس بصدري دموع وضيـاع وأمكنـه

طفل هارب من يدين تنامت ألـف ايـد



رحت أطعن في ضلوعه ولا أدري عنـه

واكتشفت اني ذبحته وهو طفلي الوحيـد


ليه أقتل عمر عايش بنبضـي وادفنـه

كيـف أبـدا والبدايـه عمـر جديـد؟


والربيع اللي بصدري تعـرى سوسنـه

والجفاف يعانق الريح وأنفاس الجريـد


ذنب لا شفت أعظمه قلت ما أصعب هينه

داخله في رحمة اللـي ترجـاه العبيـد


يا كبر ذنبـي ورحمـة إلهـي ممكنـه

أتعب الكفار صدري أبي مسلـم عنيـد


ماتزحـه مـن مكانـه رمـاح مسننـه

لو تسلط سيف عنتر على حبل الوريـد..


نورما متواجد حالياً   رد مع اقتباس
قديم 19/07/2011, 03:24 AM   #26 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..


ياليـل مسـراك الهـجـوس المـديـدة
وانـا علـى مسـراك مديـت شـوفـي

طويـت ياسـك فـالـدروب المكـيـدة
وامهلت فـي سطـوة ظلامـك وقوفـي

اسـرى معـك مثـل النديـد ونـديـدة
وارجـع مـع ليلـك وخطـوة احتوفـي

ويـن ابتـدي والجـرح نقضـة يزيـدة
ياكسـرة الخاطـر وقــل امعـروفـي

البـارحـة عــدّت ولاهــي بعـيـدة
هـذى معاذيـري وهــذي احلـوفـي

ظـالـم ولوّعـنـي عـلـى مايـريـده
وطيت بـرده واحـرق الجمـر جوفـي

سلّّمـت لـه قلـبِِِِ حصونـه عتـيـده
مبعـد عـن الشكّـة جفـولِِِ عـزوفـي

يـذل مـن كـثـر الـكـلام وزهـيـده
ويخـاف لا تكثـر علـيـه الحسـوفـي

واهـديـت لــه حشـمـة غـــلاي
ونشيدة وارخصت له عمِرِِ بوصله شغوفي

ياجـرح قلبـي كـل ماذكـر وعـيـده
وياوجـد حالـي يـوم ابـرّق واشوفـي

قيـدّنـى بحـبّـه وسـايـرت قـيـده
قربه رضـاى ومنـهْ جرحـي وخوفـي

بـوّاّق فـي ستـر العهـود الوكـيـدة
خـوّان بحسـاس الـغـلا مايـروفـي

اصبـح وذكــراه القديـمـة جـديـدة
وامسي وينـزع طـاري البعـد جوفـي

كنـت احسـب انـي فــي غـرامـه
وحيدة وانكفـت منّـه خاليـاتِِ كفوفـي

استـر ظنـون اليـاس لوهـي بلـيـده
واقـول غلطـة والسبـايـب ظـروفـي

ماعـاد تقلـيـب المـواجـع يفـيـده
ولاعاد وصف الامـس يشبـه وصوفـي

تعبـت يالـيـل الهـجـوس المـديـدة
جـفّ الكـلام وضايقتـنـي حـروفـي

رد الـزمـان لخافـقـي واستـعـيـده
الـدرب مجهـم ,,, والنوايـا انكوفـي..
نورما متواجد حالياً   رد مع اقتباس
قديم 19/07/2011, 03:27 AM   #27 (permalink)
•° وَطَن أَوْجَاع °•
 
تاريخ التسجيل: Sep 2007
الدولة: "حيث ."أكون."
المشاركات: 21,863
نورما will become famous soon enoughنورما will become famous soon enough

اوسمتي

Icon26 رد: ديوان الشآعره أبعاد التركي..

ياحر ياللي على المشراف لك جـره


تعاف نزل الوطـى وتعانـق القمـه


تموج حد السما والأرض مخضـره


يدله معاك الحزيـن وينجلـي همـه


جزم عزوم تريـح البـال وتسـره


في هدتـك تنثـر الخفـاق وتلمـه


قلب الهواوي معاك يغـادر امقـره


لاشاف جولك دعاك ولـوح بكمـه


لا اقبلت شيخ يحب الشعب ويبـره


ولا ادبرت برق لمع في طارف اليمه


ولا فعت من ماكرك ثم أخذت لك فره


يزمـك الوجـد للصمـان وتزمـه


الديره اللي بوبـل الغيـث مسمـره


ريحة نفلهـا يتـل القلـب ويخمـه


داري ولاجالهـا النسيـان لـو ذره


لهـا سـلام جميـل وافيـن كمـه



ياطير روحي مع راعيك من جـره


هاك السنافي كريم الاصـل والذمـه


أهيـم لـو ينذكـر طاريـه مغتـره


ويفز قلبي على طاري بنـي عمـه


ياطير قله يشوف الحال لـو مـره


راعيك ماهوب يمي مير أنـا يمـه


الجمر يصلي بصدر ضاق من حـره


والعاشق اللـي يـوده فايـر دمـه


لبست ثوب الغرام وقلـت لـه زره


ويمد كفه ولا كن مـا نطـق فمـه


ياذا النداوي ابيـه بخيـره وشـره


سمه هبـال وجنـون زايـد سمـه


الحر هوغايت تسعـى لـه الحـره


والنايفه تعشـق النايـف وتهتمـه..
إنتهى الجمال..
نورما متواجد حالياً   رد مع اقتباس
قديم 21/07/2011, 03:18 PM   #28 (permalink)


 
تاريخ التسجيل: Feb 2007
الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
مشاري has a spectacular aura aboutمشاري has a spectacular aura about
إرسال رسالة عبر MSN إلى مشاري
رد: ديوان الشآعره أبعاد التركي..

 
   

 

في هدتـك تنثـر الخفـاق وتلمـه


قلب الهواوي معاك يغـادر امقـره

آنششششششششششششهد ...يشلع ...ويطب..له ديآر ..

صح لسآنك...يـ عذبه ..
مشاري غير متواجد حالياً   رد مع اقتباس
إضافة رد

الكلمات الدلالية (Tags)
أبعاد, التركي, الشآعره


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:47 PM


روابط إعلانية : السعودية - مجاني.كوم - مزمز



Powered by vBulletin® Version 3.8.7
Copyright ©2000 - 2012, Jelsoft Enterprises Ltd.
Search Engine Friendly URLs by vBSEO
المقالات أو المشاركات أو الآراء المنشورة في شبكة منتديات ماسات بأسماء أصحابها أو بأسماء مستعارة لا تمثل بالضرورة الرأي الرسمي لمنتديات ماسات بل تمثل وجهة نظر كاتبها.