09/09/2010, 12:05 PM
| #1 (permalink) |
  تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
  | ديوآن آلشآعر محمد آلحويمآني ديوآن آلشآعر محمد آلحويمآني ذاكرة الزمن تصفحت ذاكرة الزمن فاح ريحة عود نشدت المكـان وردد العـز فابعـاده من اول هجاد السيف والرمح والعبرود الى اتلى صباح النور والعلم وامجـاده وحنا بفضل الخالق الواهب المعبـود سلاطين مجد يزري الوقـت مابـاده نحتناه بالسيف الحدب والليالي سـود علـى ضمـر للمـا والمـوت وراده وجود يند السيـل لاعـودت للجـود مسيله من ايـام الفقـر والغنـا زاده هل الذود يالهيلا ولاحد يـرد الـذود سوى عتيبة الهيلا من الوقت لاقـاده وانا كل مااطري عتيبة غدى البـارود بصوتي يثور وكن حنجرتـي زنـاده ليت آلورق ليت الورق يقرا وش اللي كتب فيه .. و ليت القلم يدري وش اللي جرا به ..// ان كان ما تمسي فـ صدري مشاريه .. و لا اتضايق لو تضيق الرحابــــه ..// وا. صوتي اللي عجزت الناس توحيه .. غريب يوم اصوات غيري تشابــه ..// البيت بيتك و المواري مـواريـه .. لـكـن كـبـرت و لا كـبـر مـعــك بــابــه ..// و الناي لو نقض جروحك بـ أغانيه .. جـروح غـيــرك نـقـضـــتـهـا ربــابـــه ..// ما هو يتيم ان كنت انا اللي مغنيه .. و لا هـو فـقـير ان كان جرحي زهابه ..// و الغايب اللي يغري الشعر طاريه . مـا قــل قــدره لــو يطَــول غـيـابــه ..// كم لي و انا احث القصايد تخليه .. حتـى تلاشـت رغـبـتـي في الكتابـه ..// و الشعر لو يفقد حروفه و اساميه .. مـدري وش اللـي بعـدها ينبغابــه ..// احترت بين اعتب عليه و اراضيه .. اخـــاف لا يـجـرح رضــــاه بـ عـتــابــه ..// أحيان أقول آبيـهـ , و أحيان ماآبيـهـ .. الا ابــيـه و لـو يـــــبــي لـي عـذابــه ..// يـ اللي تجونه دامني مااقدر آجيه .. وصــوا ذهـابه .. لا يـشح بــ ايـابـه ..// و قولوا له اني من كثر ماني أغليه .. اشـرب ســرابـه و ارتوي من سرابه ..// و على كثر ماانسى اذا قلت ناسيه .. دار الــزمان و جــاب عشقــه و جـابـه ..// حنيت لـ أيامه و ضحكت لياليه .. قـبـلـه و بـعــده كــل وقـتــي رتـابـه ..// ان لمت قلبي عاقبتني محانيه .. و ان قـلـت أبرضا عـز نفسي رقابـه ..// البارحه كنت اكسر الروح و انهيه .. كان الـورق ارض و عيـــوني سحابـه ..// زرعت مااحبه ولا عاد لي فيه .. و جنـيـت احـبــه لو يطـول غـيـابه ..// مدارات - خاص المصدر: منتديات ماسات - من قسم: دواوين الشعراء |
|  |
|
09/09/2010, 12:06 PM
| #2 (permalink) |
| تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
| رد: ديوآن آلشآعر محمد آلحويمآني مدآرآت خآص يحق لك تعتب علي وتشره مع إني ادمح زلتك ما تشرهت لاني ادري لو تشرهت مره عليك تكبر شرهتي ما تنبهت من غبت والناس كن نفوسها قشرا الطفهم اللي كسر روحي وهلابي الجرح يبرا لو ان الوقت ما يبرى شف وقتي اللي خذلني ويش سوى بي (3)الشعر ذنبه كبير وزلته زله يارب ترضى علي وتغفر ذنوبي أمسيت مثل الكبير اللي غدا دله وأصبحت مثل الصغير ابين عيوبي جيت أعشم بردنا.. بالصيف لكن.. الفصول الاربعة.. برد ورتابه!! أهـ لا صار الغلا بالجرح ساكن والخناجر كلها.. ربع وقرابه!! كل ما فكرت بازعل منك وأعتب واتضايق ضاقت الدنيا علي..وجيت لك زعلان.. راضي!! يا عيد تدري وش اللي مر في بالي خلاني اعتق رقاب الدمع في عيني اصحابي اللي بعد ما بارت احوالي ما منهم اللي نشدني وش جرى فيني!! أقفيت واشباه الاوادم لهم رمس شحوا علي بضحكة ما لها قيد طاح الشجر في ذمتي طاح والشمس توجع ولابه غير ظلي.. على البيد ماجيت أقول القصيد.. ورحت اغني به ولا كتبته لعين وكف عشاقي من يوم وقتي ثعت فيني مخاليبه والشعر طير وسماه بداخل اعماقي!! هذاك دمعي وكنه صار بأسبابك يجفى عيوني وروح ينتخي قربك وهذاك صوت رميته ساعة غيابك حتى صداه استخار وهج مع دربك (10) تعالي يالسنين الاوله.. يالمقبله فوتي نعيد أيامنا «طبعا» من آخرها الى أولها علشان اليدين اللي تحرضني على موتي تقدر موقفي لا من رفضت اني أموت لها!! (11) احترت يا صاح في بوحي وكتماني وأزريت حتى المس المضمون بيديني أنا الغريب وتعبت اشتاق لأوطاني ذكرت ربعي نهار.. وجيت ناسيني!! (12) أنا اللي مد العالم يمينٍ كلها تقدير ومدوا لي سيوفٍ نصرها ينشاف في عوقي خروج.. أغيب لكن لا حضرت وتكلمت داريت شرهة غيبتي في حضوري أنا الذي عن منة أنوارهم شمت وكم واحدٍ يبغى يجي تحت نوري |
|
| |
|
09/09/2010, 12:07 PM
| #3 (permalink) |
| تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
| رد: ديوآن آلشآعر محمد آلحويمآني آلضيق الضيق ضيفٍ .. زارني مادعيتـه يومه غمرني في وفـاه وغمرتـه ان ماعمرت من اصدق الشعر بيته ولاَ سكـت ولا غلطـت ودمرتـه جرحي وله مني صبرت ورضيتـه وحزنٍ ملى عينـي لعينـه ذخرتـه الوقت تنقل هرجة النـاس صيتـه وانا ماأشوف الا تـرزم غبرتـه ! ليته تجمل فـأول العمـر ليتـه ... ان كان يمديني رضيـت وشكرتـه كم قلت لي شيءٍ وانـا مابغيتـه !! وكم شيء ابيه ولا قويت وذكرته !! الا غرامك لا سرحـت ولقيتـه... في درب بالي دون ماأشعر نثرته .. على الورق يمكن لو انـك قريتـه تدري عن اللي في غيابك شعرتـه جفني على جمر السهر كم حديتـه وقلبي على رمضا الرجاء كم جبرته واذا سهيـت ومـال دمـعٍ كنيتـه صديت عنه وقبل الومه عذرتـه !! كلٍ عرف جرحك وانا مـا حكيتـه أخاف اقوله واعتبرني (هجرتـه)!! خله بصدري كـل ماضقـت جيتـه ولا متى ما جيـت فالبـال زرتـه الى هنا ...قلي وش اللـي نسيتـه عن حال حالي في غلاك وخبرتـه الى هنا ...ماقلـت شـيءٍ بغيتـه واللي عجزت ولا قويـت وذكرتـه علمٍ يخايلنـي ....وانـا ماسقيتـه اخاف يظهر ...ونتقاسم ثمرتـه !. |
|
| |
|
09/09/2010, 12:08 PM
| #4 (permalink) |
| تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
| رد: ديوآن آلشآعر محمد آلحويمآني آلبحرين يا قصيدي لا تعــذر.. مــــانت والله مـعــــــذور والله انك لو تـعــذر فـي مثــل ها ليوم عـــار لــو تبورا لناس كل الناس ما ظنك تبــــــــــور وأنت تعرف وش كثر محتاج لك في هالنهــار هاك لك صدري بياض الطرس وضلوعي سطور وابـد كــل اللي يجول بخاطـري ســرا جهــار في رضا البحرين تكفى ياولد سبع البحـــــــــور قـول شيٍ في رضاهـا ماحصـل قبلك وصـــار لا تــخيب هقــوتي مـــدام لك صــوتٍ جهــــــور معـك امانـه لا تعــود الا بطعــم الانتصــــــار خـذ معـــك قلبي واذا منك تعديت الجســــــور حي فال البــــــــيرق اللي وقفته وقفة وقار أحمرٍ لو تســـــــــأل الالوان عن لونه تثور كل لونٍ غيــــــر ذاك اللون شافه ثم غــــــــــار أحمرٍ غير احمر الالوان وأسراب الزهـــور شامـخٍ خلى الجبال الشم في وضـع انكســار ثــابـــتٍ من عزتـه مادار والدنيـــا تــــــــــــدور صـــامتٍ لكن اذا جار الزمــن ينطق شـــرار يالله انك تحفظه والارض من كيـــد الشــــــرور أرضه اللي من رساوتها رست فوق البـحـار كل شبـــــرٍ في هذيك الارض له عندي شعـــور من غلا من شكر من اعجاب من حق الجوار طيّبه من طيبهــا لا وقعت فيهــا الطيــــــــــــور كل طيــرٍ حـب وجـه ترابـهـا ما عــــأد طــار دانــة الدنيــــــا مــا أشـــــوفك دار لا والله دور والله انك فــي عيوني عــن مية مليـون دار عاد عيدك ..عاد عيدك وان حصــل مني قصور اعذرينـــي وانتي اكبر من حجم أي اعتـــذار وان ملى صدري فرحها ليت لي عدة صـــــدور لأجل ازيل بعيــدها وافراحــها طعــم المــرار كيف مافرح واسمها لا عدت الاسمـــاء نـــــور كيف ما فــرح لاهلها وقلوبــهـم مثل المحـار ليه مافرح وانتي اللي يحكمك صــقر الصـــقور الكـــريم ابن الكـــريم الحر من نسل الحرار الشجاع الشهم ابو قلبٍ على الشـــده صبــــور الحليـــم اللي ليامنــه وقف للحــق نـــــــــار المليك اللي نصــــاه الخير واخطـــــاه الغـــرور هيبته هيبة سحــــاب وسيرته سيرة خضـار ياحــمد ياســـور شعبك لا بغاك الشعب ســـــور ياحمــد يابيت ضيفانك متي ما الضــيف زار ياحــمد وانت الدواء للجــرح ياجبر الكســــور وانت الفـــرج للي عليه الوقت جاااااااار انت أصل الطيب دام الطيب له اصــل وجــــذور انت غيــــر ان عودت للغير يعني باختصــار لو حكــى التاريــخ عن سيرتك حبتك العصــور وان حكت جغــــرافياء الارض حبتك الديــار عاد عيدك عاد من مسكٍ وعيدك من بخــــــور سقتها لك من خيــارالناس.. للناس الخيـــار عاد عيدك عاد من فرحه وعيدك من ســـــرور عاد عيدك يالكبيــــر ابن الكبيــر ابن الكبـار عاد عيدك عاد عيدك وان حصل مني قصـــور العزا في قلــبك اكبر من حــجم أي اعــتـذار في رضا البحرين جبت الشعر من سبع البحور لاني اعـــرف لو تعذر في مثل هاليوم عــار لـــو تـبــــور الناس كــل الناس ماظنه يـبـــور لا عرف وش كثر انا محتاجله في هالنهــار |
|
| |
|
09/09/2010, 12:09 PM
| #5 (permalink) |
| تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
| رد: ديوآن آلشآعر محمد آلحويمآني يآفهد يافهد من شفت زولك بينهم روح خيالي يقطع بحور الزمان الاولي عرضه وطوله قمت اهوجس واتذكر طيشنا ذيك الليالي يوم كنا صغـــــــار تحكمنا برأات الطفوله يوم كان اقصى طموح لنا ...نروح لبيت خالي وكيف كنا ننتهي من واجب الخط وأصوله اذكرك ...يومك تجيني ...كنت انا جالس لحالي واتفقد جيب ثوبي وألعــــــن الفقر وفضوله يوم شفتك ...هل دمعي يافهد دور ريالي وانت تمسح دمعتي بايديك ...وأحساس الرجوله تقطع ريالك ..تقول أمسك ولاتبكي قبالي وكننا من بعد هذا كل مانبغى ....ننـــــــــوله وأذكرك يوم انت تلبس غترتي ...ولا عقالي ثم تجلس في مكان ابوي ...وعيوني ذهـــوله والله انك يافهد في وقتـــــــها شكلك خيالي والله انك كل مالديت ..اقول الزول زوله يافهد والخمسه وعشرين مرت ياظلالي قدر الله والسنين بطبعها دائم عجوله يافهد وانت الوحيد اللي يعرف ان ضاق بالي قبل ماشكي قبل مادمعي يبادر في هطوله يافهد وان شفت دمعي يوم عرسك لا تبالي كل ماقي الامر فرح ماقدرت انطق واقوله !! |
|
| |
|
09/09/2010, 12:10 PM
| #6 (permalink) |
| تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
| رد: ديوآن آلشآعر محمد آلحويمآني آلبآرح البارح القلب يكتب والسهر يقرا والليل دفتر عجز يتحمل عتـــــابي قلت انقض الجرح واجعل سيرته مسرى مليت اروح بقصيد(ن) مابعد جاء بي !! حنيت لك يالقصيد العذب وانت ادرى ياأغلى وأجمل واعز واطهر احبابي من غبت والناس كن نفوسها قشرا ألطفهم اللي كســـــــر روحي وهلابي يامرحبا وان لفيت وصادفك غدرا عزاي بانك تميزني عن القــــــــــابي الجرح يبرى لو ان الوقت ...مايبرى شف وقتي اللي خذلني ويش سوى بي !! والجاهل اللي يبينا نفترق وازرى اللي قصر عن سماي يعود لترابي أكتبك سيل(ن) يجي له فالورق مجرى وليا كتبتك ...نبت فالطــــــرس غيّابي تدري بلاش ...اكتبتك ...والناس ماتقرا يكفيني انك اعز واطهر احبــــــــــابي |
|
| |
 |
| الكلمات الدلالية (Tags) |
| آلحويمآني, للشآعر, محمد, يحولن |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 09:33 PM
