10/12/2007, 08:17 AM
| #1 (permalink) |
   تاريخ التسجيل: Feb 2007 الدولة: ونْگسآِتْ الأيآِمْ تدْثِرنيْ بـِ/ ( الأوجآِِعْ ) ~
المشاركات: 25,954
  | ورقة الماضي ...امسك بطنك ضحك ورقة المقاضي .. ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره .. ههههههههههههههه المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه .. وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض الله يلعنهم المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط خويه شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه منقول. المصدر: منتديات ماسات - من قسم: دنيا المرح  مَ ـآ هُوْ ضروريْ نِعتذِر يوم ( نِخطيْ ) بعض آلعِذرْ لـ آلذنب . . . مثل : آلـ ............إعآدهْ |
|  |
|
10/12/2007, 08:32 AM
| #2 (permalink) |
| ◦ .. سـعـادتـي ديـنـي .. ◦   تاريخ التسجيل: Dec 2007 الدولة: في حينا
المشاركات: 5,073
| والقا لوحه مكتوب عليها ( السلطه 60 كلم ) ههههههههههههههه . . \/\/\/\/ \/\/\/\/ \/\/\/\/ . . من جد معـــــــــــــــاناه ورقــــة المقــــــــاضي : :: ::: مشـــــكور أخـــــوي مشـــــــــــــاري |
|
| |
|
10/12/2007, 03:05 PM
| #3 (permalink) |
| عينيً شقيهً ,  تاريخ التسجيل: Nov 2007 الدولة: .. بينُ آلجٌملهً وً آلنظرهً -
المشاركات: 4,881
| :mm (31)::mm (31):ههههههههههههههههههههه:mm (31)::mm (31): ترى امي تقوول وش اللي يضحكك<<<بالصااله منقوول ..ولاا فضفضه...علّم بس.. .gif "Mm (78)") والله انك متعذب..واهمممممم شي السيكل..هههههههههههه مشكوووور ع الموضووع .. تحياااااتي [عزيزي الزائر يتوجب عليك التسجيل لمشاهدة الرابط للتسجيل اضغط هنا ]" آلبردً : لحظة وحدتكً وآنت ملهٌوفً ! تكسركً ذكرى (من تحبَ ) وتشبّكَ !! |
|
| |
|
13/12/2007, 11:27 PM
| #6 (permalink) | ||||
| :: مـآسي نشيـط ::  تاريخ التسجيل: Feb 2007
المشاركات: 158
|
كل الموضوع في كوم والكنافه الكذابه كووووووووووووم هههههههههههههههههه اه يا جنوبي متت من الضحك معاناة الله يعين | ||||
|
| |
.gif "Mm (92)")
.gif "Mm (54)")
 |
| الكلمات الدلالية (Tags) |
| الماضي, امسك, بطنك, ورقة, ضحك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 06:51 PM
