الحـبـيـب الخجــــول

لا تعـذر حبيبـي داري انـك خجـول=والخجل ما يساعـد صاحبـه بالنطـاق
قبل تشرح كشفتك بالذكا عرض طـول=واتضح بان قلبك بالغلاء لـي يسـاق
كلمتْنـي عيونـك قبـل فمـك يقـول=وترجمت لي تعابير الوفـاء والرشـاق
حين شفتك خلصت وصاب عقلي ذهول=واخترق سهم حبك بالضميـر اختـراق
وصرت ياحول كني شارب ألي كحـول=ماتصورت احيـر َبماقفـي باصطفـاق
لين دقت همومـي مثـل دق الطبـول=واحترق دم قلبي من سببـك احتـراق
وقلت مهما الزمن بيني وبينـك يحـول=لازم اعمل معك يا اغلا العبـاد اتفـاق
لو تعذبت لـو بعـدي وبعـدك يطـول=كل شي(ن) يهـون الا نهـار الفـراق
مستعد(ن) على شانك بشيـل الحمـول=والوفاء بالوفي واجـب قـوي الوثـاق
لا تفكـر يضيـع ولا تفكـر.. يـزول=حبك اللي خفوقـي شـرب منَّـه وذاق
لكن ارجوك لا تصـدق كـلام العـذول=واستمر بعهدْنا واتـرك اهـل النفـاق
واجتهد لي وانا لك مجتهـد بالوصـول=وروف بي مثل قلبي لك رحوم(ن) رقاق
والولي قال من يصبر لزوم(ن) ينـول=ما تمناه لو صدره من اليـاس ضـاق
وبإذن من كلف محمد لخلقـه رسـول=لاجتمع بك لو الحاسد سعـى بالخنـاق
والنهايـه تحيـه للحبيـب الخـجـول=من خفوق(ن) على شوفه شكا الاشتياق

المصدر: منتديات ماسات - من قسم: قصائد الاعضاء - حصريا لاعضاء الموقع (يمنع المنقول)