من اللي على حق...؟

^^ســـنـــجـــار^^ · منذ /14/02/2007, 08:25 PM

من وجهة نظري ماأحد على حق!!!!!! والحل عندي هو زواج المسيار الذي يجمع بين المتعة وعدم الارتباط بما يسمى الحكومةjjjj

قال العزوبي

قال العزوبي يوم شـاف المعاريـس *** الرابـح اللـي لاقعـد مايقـومـي
أول سنـة كـلٍ يبـث الاحاسيـس *** وثاني سنة تجلب عليـك الهمومـي
وثالث سنة حط الرمـل والمتاريـس *** لابد مـن حـربٍ تقـوم وتدومـي
لامن دخلـت الـدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغيـر الموديـل شـيٍ لـزومـي
وان قلت ما أملك يامره لوهو فليس *** قالـت تديّـن لا تكـثـر بلـومـي
ولاجيت مرة نـاويٍ لـك ب....... *** قالت تصّبـر خـل قلبـك رحومـي
ليتك تساعدنـي تصحـح كراريـس *** زادوا علينا أربع حصص في العلومي
أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي
يروح عمرك بين عرسٍ وتأسيـس *** واربـع سنيـن والبزاريـن كومـي
وسط المطابخ بين قـز ومحاميـس *** هـذا صحـن رزٍ وهـذاك ثـومـي
والا خلصـت إمنظـفٍ الملالـيـس *** جتك تقول انهـج نبـي زود لومـي
ولا جبت قالت اكنس الحوش تكنيس *** خل البلاط يصيـر مثـل النجومـي
ومكرسٍ جهدك من الخوف تكريـس *** وان نادتك بالصوت اقبلـت مومـي
يجيك تـال الليـل دايـم كوابيـس *** ويشيبنـك مزعـجـات الحلـومـي
هذي حياة اللي ركض باغـي...... *** ضيع حيـاة أول وصـار محرومـي
تعيش يالمعـرس حيـاة المحابيـس *** وشف العزوبي بكل شارع يحومـي
من مفرق جلاجل إلى جوي للخيـس *** وان حار حايرهم بوسطـه يعومـي
يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
شف العزوبي مايعـرف الهواجيـس *** ولا يـودي حرمتـه كـل يـومـي
يا عنك ماحاش الفخـر والنواميـس *** الا عزوبـيٍ يـعـرف السلـومـي
اذا اعرس المعرس غدا عندنا هيس *** ونزيل اسمه مـن سجـل القرومـي
والى بغيـت البهذلـة والدحاويـس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غيـر دق الخشومـي
اللي تزوج أشهد انـه غـدا تعيـس *** والرابح اللـي ماخـذٍ لـه ..........
ترى عناق العام نطت على التيـس *** والحرعقب العـرس يصيـر بومـي

قال العريس

قال العريس أنا الذي في سـعاده ××× ماني عــزوبــي ضايق الصدر مهموم
مبسوط من مثلي قعـد عنــد غاده ××× مهوب مثـل اللي لحاله تقل بـــوم
في كل لــيله حاضنٍ لـه وسـاده ××× وانا مـع المـزيون في غـرفة النوم
أنا اشهد انه عايـشٍ في قــراده ××× يروح عــمــره مـا تهنى ولايوم
الى دخــل للبيت يبلش بــزاده ××× يقعد يقــطّـع له طمــاطٍ معه ثوم
ولا قضى عقب العصـر من عداده ××× والـحوض من كثر المواعين مزحوم
والى غسلهن ثم فـك الســـداده ××× دلى يغســل له سـراويل وهــدوم
وان ماطــبخ روّح لمطعـم حمـاده ××× والا قـعد في منزله واعـلن الصوم
وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
ما يعرف الشمبو وراسـه عــراده ××× وشــمغه من الكواي ملـيانه رقوم
ما يكنس الفرشــه ويلقط بــداده ××× اما بقـايا رز او خــبز معــروم
عنده صراصيرٍ بحـاجه ابــاده ××× تسـرح وتمرح في الغرف دايم الدوم
يجمع قروشه ويتســـلف زيـاده ××× حتى يسافر مصـر او ديرة الروم
او راح يم التاي وتـــرك بـلاده ××× ناظر جـوازه ممـتلي كله ختوم
دايم يسافر ما يعـرف العــباده ××× يسكر وينكر و........ بالكـوم
وإلى رجع يـروح يـم العــياده ××× حيث ان فـيده مـن فعايله مزكوم
وإلى قعد مارس مع .......عاده ××× حيثه مسيكينٍ مـن العرس محـروم
له موتر خرده كثير فســـاده ××× في كل يـومٍ في الاشارات مصـدوم
غمارته تقول ورشــة حـــداده ××× ومريقـده في شـنطته دوم محزوم
دوم يتنقل تقــل كنه جــراده ××× في كـل يومٍ نازل له على قــــوم
يسهر والى قام الظهر من رقـاده ××× روّح على شغله والى اليوم مخصـوم
يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
يفرح الى من قرب وقت الولاده ××× ويصير معنى العرس بالحيل مفهوم
يشوف أولاده ومعهم شهـــاده ××× قبل الـوفاة وقولة الناس مرحــوم

المصدر: منتديات ماسات - من قسم: عطر القوافي (منقول)

منذ /15/02/2007, 04:33 AM

شكراً لك على نقلك هذه القصيدة الرائعه

من شاعر رائع ومتميز في قصيدة

صح لسان شاعرنا

وسلمت يداك على هذا النقل

الف شكــر لك يا سنجاره

وفي انتظار جديدك يا الغــلا..

عـــ AZAZI ـــزازي · منذ /15/02/2007, 04:46 AM

سنجار يعطيك العافيه على النقل الرائع

منذ /15/02/2007, 09:28 AM

((تعبت أكذب على نفسي))

تعبت أكذب على نفسي وأمني خاطري بالقاك
وأقول انك على عهدي وميثاق الهوى باقي

تعبت أمشي ورى حلمٍ خذلني يا غلا وياك
أنا وش لون باطوي البعد وانته تنشد فراقي

تمنيتك تجي تاخذ بقايا طيف من ذكراك
يناوش فكري الساهي وينبش داخل أعماقي

رحلت ولا تركت اللي يهوّن غيبتك وبطاك
خذاك البعد عن عيني وكلك ساكن احداقي

نثرت حروف من شعري تنادي لك هنا وهناك
عسى يا عل تقراها وتشفي جرح دفّاقي

حزينة مغرمة بطيفك هجرها فرحها بفرقاك
لأنك مصدرالهامي وعشقي وباقي اشواقي

كتبت ولا دريت ان الزمن عن حبنا الهاك
غريبة شلون هالدنيا قوَت تنسيك تشتاقِ

قصيدي بالوله والشوق يرسم لهفتي إلقياك
عساها وين ما حلّت تعانق ذوقك الراقي

سنين تمر من عمري وانا مالي سوى رجواك
تعال احضن بقايا العمر ياعمري الذي باقي

تعبت أكذب على نفسي وامني خاطري لقياك
واقول الحلم يتحقق تجي وتحرر وثاقي

لكم مني كل الود. والأحــتــرام..

ڜِـِقـأۈﯤ · منذ /15/02/2007, 03:22 PM

اقتباس:

أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي

صح لسان شاعرنا ...

دمت بود ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مركز تحميل الصور	مجاني	دليل مواقع	أجمل أسماء الاطفال	استشارات طبية مجانية
مدونة رسين	توبيكات ماسات	فوتوشوب Online Photoshop	أذكار	بيج رانك Google PageRank

الذين يشاهدون محتوى الموضوع الآن : 1 ( الأعضاء 0 والزوار 1)

إهداءات ماسات

من اللي على حق...؟

من اللي على حق...؟ من وجهة نظري ماأحد على حق!!!!!! والحل عندي هو زواج المسيار الذي يجمع بين المتعة وعدم ...