12/07/2009, 04:22 PM
| #1 (permalink) |
| فدى الروح تاريخ التسجيل: Oct 2008
المشاركات: 26,966
 | معاناتي مع زوجت ابي كان هناك تاجر سعودي كبير يسكن بمدينه جده تعرف على دكتور تونسي واصبحوا اصدقااء وفي ذات يوم دعا الدكتور التاجر الى بيته لتناول العشاء فتفاجئ التاجر السعودي حينما دخل بيت الدكتور ...!!!!! وجد ان العادات تختلف وجد انه العشاء كان جماعي مع العائله بالكامل وليس مثل عادات السعوديين الرجال في غرفه والحريم في غرفه المهم النوايا صافيه لدى التونسيين وعملوا بعاداتهم المهم ان التاجر اعجب بفتاة تكون اخت الدكتور فطلب يدها للزواج فقبلوا الزواج وعاشوا بكل محبه ويسير وسعاده وانجبوا فتاة جميله فكبرت الفتاة واصبح عمرها 4سنوات ومن هنى بدئة التعاسه فلقد حدثه مشاكل بين الدكتور والتاجر وانتهت بطلاق اخت الدكتور ليه كذا يابابا طلقت امي عشان مشاكلك مع خالي!!!!!!!!!!!! وش ذنب امي وش ذنبي انا كمان وش ذنب اخوي اللي ببطن امي !!!! رحلت الام الى تونس وهي تتألم لما حدث وتتألم للحب اللي انتهى بالساهل فاخذت ابنتها معها فتزوج التاجر بامراه اخرى وانجبوا اطفال وفي ذات يوم طلب التاجر من طليقته السابقه ان ياخذ بته للسعوديه لفتره شهر ومن ثم يرجعها الى امها ومن طيب امي وهي عارفه ان ابوي ملهوف لشوفتي وعارفه ان الضنا غالي قالت خلاص لاكن سوف ترجعها لي بعد شهر... فاخذني ابي الى بيت ليس البيت اللى كنت اذكره فقالي لي هذا بيتنا الجديد ووجدت امراة غريبه وقالي لي هذه امك!!!!!!!!!!!!!!!!! فبكيت واصابتني الذعره ووجدت طفله تقاربني بالسن فقال هذه اختك المهم ابوي مارجعني لامي واخوالي ناس مالهم بالمشاكل فاهملوني ولم يحرصوا ان يبحثوا عني فعندما وجدوا ان ابي غير العنوان سابوني لان كل واحد ماهمه الا نفسه.. وهذه الدنيا كذا وامي مسكينه تتالم لاجل ولاكن اخوالي اقنعوها ان تنساني لانهم لم يجدوني وان تتزوج برجل ااخر فتزوجت امي وهي تتالم .gif) وبدات امي المزيفه اللي هي عمتي زوجت ابي الجديده تعاملني بقسوة وتجعلني اشتغل محل الشغاله!!!!!!! الشغاله من القهر قالت ماما حرااام طبعا خاصمت الشغاله وقالت لو ثاني مرة تكلمت ابسفرك والشغاله خايفه على رزقها تمادة عمتي لاني اسكت وما اقول لابويه وسارت كل ماشافتني مبسوطه لازم تكدر عليه ولو شافتني العب مع اختي اللي هي بنتها تخاصم بنتها وتقول العابك العبي فيها لوحدك وتاخذني لكي انظف البيت بدالها واذا ما سويت شغله زين او اخطيت كانت تاكلني الفلفل وتقفل عليه في الحوش طبعا ابي ما يعرف شي واذا شافني ابكي وسال ليه انا ابكي تقوله عمتي اني اخطيت وضربتني بشويش بس انا مدلعه وابكي بسرعه وابويه يصدق لانه اغلب وقته خارج البيت ومع الشغل يجي تعبان وما يبغى يوجع راسيه ومايدري اني ما ابكي الا من عنف وظلم ليس دلع ومرت السنين وكبرت واصبحت اجمل وحده بالبيت واذكاهم وسار ابويه يعاملني احسن معامله ويدلعني اخر دلع ويفضلني عن اخواتي وشفت قصص بالانتر نت وبالمسلسلات تشبه قصتي ولاااااااااكن. ما ابغى تكون نهايتي مثل اللي شفته ولا اريد معاملت عمتي القاسيه تؤثر عليه فاصبحت عمتي تخاف من ان تعاملني بقساوة لاني اصبحت كبيره وتخاف اني اقول لابويه اللي سار وسارت عمتي لا تفرض رايها عليه يعني سارت طيوبه وانا عارفه ان هالطيب مو من الله فهي مثل الحرباء فسارت تقول لاولادها لا يقعدون معايه انا ماسمعتها بس حسيت من المعامله مثلا لوقعدت اختي معايه تجي عمتي وتقعد معايه وتناظرنا بحقر فتقوم اختي المسكينه وتروح غرفتها وعمتي تقوم لغرفتها واجلس وحيده وطفشت وكرهت عمري كل يوم ع ذا الحال احس ما احد يبغاني وابويه اغلب وقته برا البيت ولا نايم قلت لابويه ابي اروح لامي هذا الكلام الصيف الماضي فسمح لي ياااااااااالله اخيرا بشوف امي بعد هالسنين وسافرت لامي وواخبرتها بماقد فعلته بي عمتي فبكت المسكينه ورئيت شقيقي اللذي كان في بطنها حين الطلاق فقد اصبح فتى جميل واحببته كثيرا واخبرتهم اني اللحين عايشه بخيروما حد يقدر يغلط عليه بس افقد الحنان فشجعتني امي بان اكون فتاة صالحه ولا اسكت على الخطا وان اواصل الدكتوراه فقضيت اجمل صيفيه بحياتي في تونس الخضراااء يالب قلبي بحضن امي ونسيت همومي كلها يوم انا مع امي وانتهت الصيفيه ورجعت للسعوديه فوجدت ابي يستقبلني احلا استقبال وعمتي تجاملني طبعا عشان ابوي فانا بصرااحه قاعده احاول اكسب عمتي واحاول اقرب منها وبعد مرور سنه طلعت النتائج كلنا نجحنا بس انا اللي متفوقه فيهم واتيت الى البيت وانا فرحانه ووجدت عمتي تحضن في اخواني وتهنائهم لنجاحهم ففرحت ان الكل نجحوا ورحت لعمتي وقلت انا نجحت وجبت الثاني على الكليه فقالت لي مبروك من دون نفس اااااااااااااااااااااااااااااااخ وربي انصدمت كان ودي انها تحضني او تبوسني يعني هي مو خسرانه شي زي ماحضنت اولادها هي صحيح ماعاد تضرني بس في هذا السن الوحد ه تحتاج الى الحنان مع اني حنونه لها وماعمري غلطت عليها واولادها للاسف بعض الاحيان يسبوها او يعصوها وما كانها امهم ولا يحترموها ويعرفوا ذنب عقوق الوالدين المهم بعد ما انصدمك من كلمه مبروك البارده طلعت الدرج واغمى عليه وسقطت وانكسرت يدي ( بعض اصدقائي يوم سئلوني عن يدي اقولهم من الفرحه طلعت اجري من الدرج وطحت) لاكن ارب ضاره نافعه حسيت ان عمتي بدت تحن عليه وبدت تحس فيه وعرفت اني قد ايش طيبه وعاملتها معاهله ماعاملوها ابنائها معها واني سكت عما كانت تفعله بيه يوم اني صغيره وعارفه في نفسها اني لو دلحين اقول لابويه يمكن يطلقها لانه يحبني كثير ومسحت على راسي بالمستشفى وقالت لي يابنتي سامحيني انتي يوم طحتي في الدرج واغمى عليك حسيت بزي الذر يمشي بجسمي وعرفت اني انا السبب لانك كان ودك اني افرح لنجاحك واهنئك زي اولادي وربي اني ظلمتك معايه وقسيت عليك طول عمري وانت ماعمرك قلتيلي شيئ لاكن شوفي ربك كيف عاقبني باابنائي ساروا يعاندوني وانا خايفه لو كبرت في السن ماالاقي احد يهتم فيني قلت لها يا امي وانا وين رحت!!!!!!!!!!!!!!!!!!! عمتي انصدمت من اللي سمعته !!!! قالت انتي تحبيني انا يوم انت صغيره سويت فيك وسويت فيك ... قلت لها يا امي الله كريم انا طول عمري فاقده الحنان واعرف ان الواحد يحتاج له فانتي حرمتيني منه وعيشتيني في كابوس بس انا ذلحين كبرت وعرفت الدنيا ولو وحده غيري كان تجننت او اصبحت ضحيه بس انا قاومت وكل الاشياء اللي كنت تسويها فيه كنت اقول في نفسي بكره كل شيئ يتغير واللي راح راح والله يغفر لك ويسامحك وانشاء الله يا امي ما احرمك من الحنان اذا احتجتيه ولا راح تكون معاملتي معاك تتغير انا كنت اخاف منك وانا صغيره لانك كنت قاسيه معايه ومع خوفي هذا كنت طيبه معاك من يوم انا صغيره وان شاء الله ما راح يتغير اصلي بس ابطلبك طلب خليني اقولك امي لان الكلمه هذه انحرمت منها وقوليلي بنتي بكت عمتي وحضنتي وربي حسيت اني فخووورة بنفسي وان اللي يفكر في الانتقام رااح يتعب بس انا استخدمت طريقه جديده يمكن ما احد يصدقني بس وربي لو تعاملني على طول كذا هذا يكفيني من الدنيا المهم طلعتني من المستشفى واعتنت فيني وساارت تحبني اكثر من اولادها وربي يا انا فرحانه واحس اني اسعد وحده في الدنيا سرت اقعد مع اخواتي وامزح معاهم وعمتي تجي وتسولف معانا حسيت بمعنا كلمه الاسرة( بس احيان يوم اقعد لوحدي وافكر بالماضي احسني اكره عمتي مانسيت يوم انا صغيره كانت تعريني من الملابس وعمري يمكن 9سنوات وتحطني بغرفه وتشغل المكيف البارد والغرفه مافيها الا سرير بس ولا بطانيه ولا شيئ ومانسيت الفتنه الزور اللي سوتها فيني وقت المراهقه من القهر شربت كلوركس بس الحمد لله مامت انا حيه وشوفوني اكتب لكم ) لحقوني اهلي وودوني المستشفى وسوا لي تنظيف معده وتنومت وياما دخلت المستشفى بسبب عمتي وقسوتها وحبيت شغلت الدكترت يوم شفتهم يساعدون الواحد اصبحت طالبه بالكليه الطب ) بس دائم احاول اخلي الماضي زي الحلم وانظر للمستقبل وكمان اتعلم من الماضي لو ابكتب قصتي بالكامل يبغى لنا مكتبه بكاملها لمجرد ان اوصف لكم شعوري واحساسي لا تفكرون ان هذا كل شي بس تاكدوا تاكدو اني تعرضت لعنف ما قد شفتموه من قبل واني مرضت نفسيا واشياء كثير ماودي اقولها ... بس الحمد لله ان الله لم يخل بعقل وتجننت وصبرني وخلاني قويه واتحملت كل هالاشياااء وراح اواصل دراستي ان شاء الله ولن اتزوج الا اللي احبه انا الحين ادعي الله ان لا يكون مستقبلي مثل الماضي هذا الوقت وربي لا اتجنن غصب وعمتي ما اقول الا الله يسامحها ويكتب لي الاجر ويديم المحبه واذا سالتوني عن امي التونسيه الجميله!!! فانا كلم يوم اشوفها بالاسكاي بي وحتى يوم انام ما اطفي الاسكاي بي عشان تشوفني وانا نايمه بقولكم اني مازرتها الا الصيف الماضي وزي ماقرئتم من القصه كان اول لقاااء كنت ودي اسافر لها وااخذ ترم صيفي بتونس بس رفضوا يقبلوني ووقالت لي امي يابنتي خذي ترم صيفي بالسعوديه ودامك انت بخير انا بخير ابغى اشوفك احسن دكتورة والترم الصيفي ينتهي بنص رمضان اذا خلصتيه تعالي اممممممم يعني عشره ايام وعشره ايام الين العيد يعني عشرين يوم مو كفاايه بس ما ابغى اعصيها واليوم سجلت بالترم الصيفي وبقول لبابا اني ماسافرت عشان طلب امي وعشان دراستي فعشان كذا ابحاوله يخليها تجي ببيتنا الثاني وانا وياها نقعد نصيف فيها وبعدين نسافر سوى لتونس واقعد عشرين يوم بعد ما اخلص الترم الصيفي مع الغاليه بعدين ارجع للسعوديه وان شاء الله ابوي يوافق قولوا اامين المصدر: منتديات ماسات - من قسم: مكتبة ماسات العامة  [عزيزي الزائر يتوجب عليك التسجيل لمشاهدة الرابط للتسجيل اضغط هنا ] |
|  |
|
13/07/2009, 01:41 AM
| #3 (permalink) |
| فدى الروح تاريخ التسجيل: Oct 2008
المشاركات: 26,966
| رد: معاناتي مع زوجت ابي مشكورة يالغلا ع تواجد الطيب [عزيزي الزائر يتوجب عليك التسجيل لمشاهدة الرابط للتسجيل اضغط هنا ] |
|
| |
 |
| الكلمات الدلالية (Tags) |
| معاناتي مع زوجت ابي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 02:10 PM
