 منذ /06/02/2007, 11:51 PM
|
#1 (permalink)
|
| • رقم العضوية : 11 | | • تاريخ التسجيل : Feb 2007 | | • المشارگات : 920 |  |  أفضل قصيده للسهلي
بــــــــــســــــــــم الـــــلـــــه الــرحــمــــن الــــــــر حـــــــــيــــــــم
السلام عليكم ورحمة الله وبركاته
أقدم لكم أفضل ماقدم الشاعر المبدع:محمد جارالله السهلي من قصائده الرائعه
ويقول الشاعر,,,,,,,,,,,,,,
يضيق صدري كل ما هبت علي من الجنوب
نسايم ماملت طعوني وقلبي ملها
وارقاء على مرقاب حزني وأتحرا للغروب
وأمسك جدايل هالحياه المدبره وافلها
وأشوف وشلون الليالي تدور بالوقت اللعوب
وأجمع مسأل البشر في دفتري وأحلها
والعن أبو الحظ الردي وأستغفر المولى وأتوب
وأقول يالله أنك تعين اللي صبر ثم شلها
وياسعود...قربلي مدام الوقت والعمر محسوب
وأسمع ياخوك أبيات من جوفي نويت أتلها
لا صارت الدعوه مابين أضلوع صدري والهبوب
(( بأقولها...واللي عقد رووس الحبال يحلها))
وش عاد نرجي من زمن صارتبه أكبر الذنوب
أنك على الباطن سيوف الحق تنوي سلها
أسلامك أصبح متهم والنور غيب ومحجوب
دروبهم ياكثرها,,ودروبنا ياقلها
خوينا تصلاه نار الكفر ونشوفه يذوب
وحنا نترجى من عجوز الغرب ترهي ظلها
لا عاد به فزعه ولا غيره وحيلتنا يدوب
نسجد ونستنكر عساها تنسمع أو علها
صار التنافس بالطرب من أولوياه الشعوب
الغانيه صفقلها والراقصه طبلها
والموضه تحاصر تقاليد العرب من كل صوب
تفوح دلتنا زعل وأعوانهم تزلها
والكل منا يشوف نفسه للتخاذل مغصوب
حلوقنا مايتعاطش يالله طلبتك بللها
يالله سترك من علوم في خواطرنا تجوب
رحماك سهلها علينا دقها مع جلها
وياسعود خذها من نمط حكين على اللسان القلوب
أربع نصايح لحياتك ياعسى توصلها
المرجله هي البلد وأفعال يمناك الدروب
والأدمي يولد غريب ولا تسنع دلها
والكايده تبغى ولد ماهوب طماع وكذوب
والرابح اللي نفسه لربه قدر يذلها
وترى الكرم عند العرب يغطي ألاف العيوب
أنك بخيل تساوي عيوب العرب ذي كلها
وأحذر تحسب أن كل بير بدنيتك به ماء شروب
واما تجاهلت العواذل بتموت بغلها
وأنا بودع راس مرقابي إذا حل الغروب
وباقول يالله إنك تعين اللي صبر ثم شلها
وسلامتكم,,,,,,,,,,,,,,,,,,,,,,
والمعذره إن وجد بعض الأخطاء الأملائيه
|
|
|  |
إهداءات ماسات
العرض العادي
