ام غمازات / افــــراج

العالم أصبح .. وامتلى الحي بالناس ..!
ناس(ن) .. تغنّي وناس..قامت تسبّح ..!


ياثقل جفن(ن) .. يتّكي فوقه الياس ..!
لا صار ودّه .. في صباحه.. يفتّح..!


شمس الصباح .. يحسّها.. شوك غرّاس ..!
على جسد من زود همّه.. تجرّح ..!


"شيطان همّه" يقرع الكاس بالكاس ..!
"ميتين تعويذه" وعيّى يروّح ..!


ياذا السؤال .. إلي يضيّق .. بالانفاس ..!
متـى .. على حزني (فرحهم) يصبّح ..!


متى بيورق في " فلا " جوفي .. إحساس ..!
متى شراييني .. ثمرها يطرّح ..!


تعبت أعزيني .. وانا آقول لاباس ..!
بكرة صباحك .. ياجروحي .. يفرّح ..!


بكره السعادة .. تزورني .. بقدّ ميّاس ..!
وبيدينها ترمي .. ورود .. وتلوّح ..!


بكره تبدد .. جيّته .. كل .. وسواس ..!
اغفى بقلبه.. وفي عيوني .. يريّح ..!


ويصير صبحي .. مثلما .. باقي الناس ..!
مرة اغني به .. ومراات .. اسبّح ..!


ياارب يلّي طاعتك .. خير نوماس ..!
ابعد ذنوبي .. عن دروبي .. وسمّح ..!