مشاركة الشاعر
ياسر التويجري في
شـــاعر المليــــون ..
ولدت ساطي ومتغطرس وأحب الخصـام
ولا أعترف في إدارة طبـع والا مديـر
أوجدت نفسـي مـن اللاشـي والانعـدام
نبذت فالمجتمع لانـي صريـح وفقيـر
ماكان تفكيري الا كيـف أخطـف السنـام
والحمد لله خطفت اليـوم كـل البعيـر
إن لم يكن مركزي بالصـف الاول أمـام
ماعاد تفرق معي لو كنت قبـل الاخيـر
الله أكـبـر ولله الـبـقـاء والـــداوم
وهو الاله الاحدوهو السميـع البصيـر
أخذت من مدرسة أحمـد عليـه السـلام
مالاخذيته من مخـاوى وزيـر واميـر
وأخذت من تجربـة عبدالعزيـز الامـام
وش يصنع العلم لاخاواه سيـف شطيـر
واخذت من فلسفـة هتلرعـدم اللالتـزام
وكسبت نفسي وريحت القلق والضميـر
وابشـرك حالتـي دايـم علـى مايـرام
من ركعتين الفجر اليـن بعـد الاخيـر
صحيح عندي تحفظ علـى بعـض الانـام
مثل معمر وابـو مـازن وتونـي بليـر
لكـن انـا مااحـب اقـلـل الاحـتـرام
واذهب ضحية طموح الغرب وانا صغير
قوميـة المسلميـن اللـي عليهـا الكـلام
راحت معا خالد وعمرو وعلي والزبيـر
الله ولا ذل والتـخـويـن والانـهــزام
ياعابدين العروش الوضع جـدا خطيـر
يابو خلف كيف حالك عـل حالـك تمـام
انسى القصيدة وهات علوم اخوي الكبير
شيخ عرفته وتقريبـا لـي اربـع اعـوام
يومنـي اجيـه لا جايـر ولا مستجيـر
يشوقني له نشوق الوسـم عقـب الحيـام
في صفرة جوهـا ماهـو بفيـة هديـر
الشيخ ابـو خالـد محمـد عـداه المـلام
اللي يصيـر مـن الاصرارمالايصيـر
حـد الثمالـه اعـزه لاعلـي الـحـرام
انـي احبـه وحـبٍ لودرابـه يطـيـر
يطير مثل الوحش لاضف ريشـه وحـام
وحول على الذايره بالجو مثـل المغيـر
ان الملـوك اذا اعطـوك حـب وغـرام
خلوك من سائر الخـدام يعنـي خفيـر
الا انـت ياراعـي التقديـر والاهتـمـام
ياللي رحمت الصغير وشلت هم الكسير
اذا البـلاط الاميـر والكنـب والرخـام
له شاعر يدهله في صبـح والا عصيـر
فانادهـلـت الثرياوالقـمـر والـغـمـام
وحولت اداهم طرف مشلحك مالي خشير
كفـرت بالناقصـه والغـدر والانتـقـام
وامنت باانك حزامـي بالنهـار العسيـر
من لايقدر ثباتـك مـع عكـاك الزحـام
ماهوبوالله مقدر ويـش معانـي جريـر
يارا س عيطا يمسك البـدء قبـل الختـام
يالنادر اللي على صيد المكـارم شهيـر
يالمهـدي المنتظـر بالحاجتيـن الجسـام
المدة المسكتـه والاخـذ بيـد الضريـر
ياسيدي ودي افهق لـك ضلـوع العظـام
واعطيك شي بصدري وانت رجل خبير
اناترانـي اعانـي نـوب مـن انفصـام
يوثرعلى البرمجة في راسي المستديـر
واصير احس اني البـارود والا الحسـام
في ساحة الشعر من تبوك لاقصى عسير
ممايسبـب لبعـض اعدائـي الاحـتـدام
اللي يحسبون قرض الشعر مثل الشعيـر
والشعر وان كانـه المقصودبـاول مقـام
فالله يرحم ابو الطيـب ويرحـم زهيـر
روح التنافس وحـب الشيـخ والانضمـام
ماهي بتعني لدى الكثرة نهايـة مصيـر
والشاعر اللي معه عزوة خـوال وعمـام
تفداه وايـل وترقـب مستعـدة مطيـر
والله فـلا ينقهـروالا يضيـق ويـضـام
لاجاء اللززوالملاقى والقبـس والنذيـر
وجمع الدراهم ماهي باكبر طموح الغـلام
اللي جمع من قلوب الناس شـي كثيـر
من حبني رغـم تفويتـي لـه الانخـدام
واللي كرهني فهذا شخص ملعون صير
دام المعـارك صغيـره ماعلينـا لــزام
ينوب عن سيفـي البتـار اصغرجفيـر
قـرات فيماقراتـه مـن بلـوغ المـرام
اللي ترك شـي لله عاضـه الله بخيـر