| && حتى عذابه عسل واشتاق لطعونه &&
ياشين ذكرى الحبيّب من عقب صدمه /// صدمت حبيب" تبيع النـاس لعيونـه
رفيقي اللي تغيــــر ليـه وش علمــــه /// ذا منزله فالحشى مااهتزت اركونـه
يا كبدي اللي من اللوعـــات منعدمـه /// وياويل حالي عقب فرقاي وشلونـه
هو يحسب اني عقب فرقـاه في نعمـه /// لا والـذي كـل خلـق الله يرجـــــونـه
النوم والله حشى ما ذقــت لـه طعمـه /// من يوم قفا وروحـي منـه مغبــونـه
جرحه بقلبي وشوفو سيـفه وسهمه /// حتى عذابه عسل واشتـاق لطعونـه
ما يرحم اللي غدا مثل القـلم جسمه؟/// من عقب فرقاه قلبي كثرت اشطونـه
مطبوع قلبي بحبه بسمـه ورسمـــه /// يا مهبل اللي يعذل القلب مـن دونـه
يصيح حتى جهـازي فاقـد" رقمــــه /// مثلـي يعانـي تليفونـي تليفـــــونـــــه
راح اوتركني وانا في خاطري كلمـه /// في ذمتي لو يروح سنين مااااخونـه
اخوكم
حمد آل جميـله |