24/09/2008, 12:37 AM
|
#1 (permalink)
|
| :: مـآسي نشيـط ::
تاريخ التسجيل: Sep 2008
المشاركات: 147
| الاحساس
اعزائي اعضاء منتدى ماسات حبيت ان اشارك بهذه القصيدة ؟؟؟
واتمنى آن تحوز على آعجابكم 000
كلن له آحساسه وآنا عندي آحساس
احسـاس ثايــر وابتلتـنـي جنـونه
احســاس مـاينـقاس لـو قلت ينـقاس
احساس يعرض في خفوقي فنونه
احساس متصلطن وقـاسـي وحساس
احساس في صدري تدندن لحونه
صيطر على قلبي وصيطر على الرآس
واصبحت مثل اللي حياته مرهونه
عايش مابين النـاس ولاني مع الناس
النـاس فـي وادي وممشـاي دونه
وش حيـلت اللـي ماتهنـا بـالانعـاس
وش حيلت اللـي ساهـرات جفونه
وش حيلت اللي دايم الدوم محتاس
وش حيلت اللـي دوم حظـه يخونه
يامال فرقـاء العين من كل هوجاس
هـوجـاس فكـري بـارزات سنـونه
قلته وانا في داخلي آلف وسواس
مثـل اللـذي لاظن ؟؟ خـابت ظنونه
لـولا الآمــل باللـه اقفـابـي اليآس
لكـن رجـاي اللـي ماتغفي عيونه
وكلتـــها بـاللـه خـــلاق الاجنــاس
يـرفق على قلب"ن" تزايـد طعونه
وصلوا عدد رمل الصحاري والاطعاس
علـى نبـي"ن" منهجـه تسلكـونه
وسلااااااااااا مت قلووووووووووبكم ؟؟؟؟ |
|  |