يالله يارحمــن يا ارحـم رحيـم *** ياخالق من القاع طين يدوس قـاع

يارافع من ابخرة ما البحر غيم *** يكب ماه فما تشاء امن البقاع

يارب نفسي نار .. وهجوسي هشيم *** وذنوبي امن اخطائي الواجد شباع

اغفر ذنوبي يارحيم وياعظيم *** وياحليم وياحكيم ويامطاع

انا بلا عفوك اخاف امن النسيم *** وبعفوك امسي واصبح بقلب شجاع

الى ذكرت ان عفوك يديم النعيم*** وبالاخره يدخلني جنان وساع

ياليت فكري مايضيق وما يهيم*** الى بنيت امل ودورته وضاع

عزالله ان حظي من الفرحه عقيم*** وامالي ابلغ من تبسام الوداع

ياصاحبي مانت بـ ردي لكن غشيم *** في معرفة سبع دبلت كبده ضباع

ياصاحبي مانت ب علي نفسي عليم *** ريح ملايكتك وكذب مايشاع

واعرف تراني سين ماله اي جيم *** حتى انا اجهل انا الى النخاع

ومع اني اجهلني وحظي لي خصيم *** وبيني وبين اهتماماتي صراع

تفكيري انقا من هوا روضة خريم *** لا .. قد قياس الما بتربتها ذراع

لكن صدري ضاق من واقع اليم *** اغلب رياجيله تحفاهم خداع

ياصاحبي ماجيتك اشكي حر ضيم *** جيتك رجل ماهو يبيع وما يباع

جيتك حشيم وببتعد وانا حشيم *** لاني ماحب اهجم ولا احب الدفاع

لكن قبل مايسدل الليل العتيم *** ستايره بيني وبينك باقتناع

نصيحتي لك اكرم بشكل قويم *** لو التطبع مايغير بالطباع

ترا البخيل الى يحسب انه كريم *** مثل الجبان اللى يحسب انه شجاع

انتهـــــــــــى